ഇന്ന് പതിവില്ലാതെ ഉച്ചയുറക്കം വേണം എന്നു തോന്നി ...ഒരിക്കലും പതിവിലാത്തത് ആണ് ..ഫേസ് ബുക്കില്‍ സ്റ്റാറ്റസ് ഇട്ടു മെല്ലേ കിടന്നു എഫ് എം ഇലെ പാട്ടും കൂടി ആയപ്പോള്‍ മെല്ലേ കണ്ണുകള്‍ അടച്ചു .. ആരാരും കാണാതെ ....ആ പാട്ട് ആയിരുന്നു ആദ്യം വന്നത് ....അതിലെ വരികളിലേക്ക് മനസ്സ് മെല്ലേ നീങ്ങിയപ്പോള്‍ കണ് കോണുകളില്‍ നനവ്‌ പടര്‍ന്നു മെല്ലേ ഒഴുകി എന്റെ ചുണ്ടിന്റെ കോണുകളില്‍ സ്പര്‍ശിച്ചു ചൂടുള്ള കണ്ണുനീര്‍ കവിളിണകളെ തഴുകിയപ്പോള്‍ പുറത്തു മഴ ആയ കാരണം ആണോ എന്തോ എനിക്ക് ഏറെ ഇഷ്ടം ആയി ...അതുകൊണ്ട് തന്നെ ഞാന്‍ അടക്കി വെച്ചില്ല ആ ചൂടുള്ള സ്പര്‍ശനത്തേ...അതിനെ തടയിണ ഇല്ലാതെ പ്രവഹിക്കാന്‍ അനുവാദം നല്‍കി ...പുറത്തെ മഴയും അകത്തെ പേമാരിയും ചേര്‍ന്നപ്പോള്‍ കണ്ണുകളില്‍ ക്ഷീണം പെട്ടന് അനുഭവപെട്ടു.അതിനാല്‍ തന്നെ മനസ്സ് മെല്ലേ പറന്നു ..കുറെ ആയി എല്ലായിടത്തും ഒറ്റപെടുന്ന പോലെയാണ് അത് ഞാന്‍ സ്വയം സൃഷ്ടിക്കുന്നത് ആണോ എന്തോ ആ ഒരു ചോദ്യം ഉള്ളില്‍ കിടപ്പുണ്ട്ടായിരുനു ...നീല ആകാശവും ...നീല കടലും എന്നിലേക്ക്‌ ഓടിയെത്തി റെയ്കി ഹീലെര്‍ ആയ കാരണം ആണോ എന്തോ
കണ്ണു അടച്ചാല്‍ എനിക്കെന്നും വര്‍ണ്ണങ്ങള്‍ ആണ് ..മജന്ത ,ഓറഞ്ച് ,ചുവപ്പ് നീല നിറങ്ങള്‍ എല്ലാം കാണും ....ഇന്ന് എന്തോ പതിവിലാതേ കടലും ആകാശവും ...കൂടെ എന്റെ കൂട്ടുകാര് അവരെ ഞാന്‍ ഒരു പാട് സ്നേഹിച്ചിരുന്നു ..പലപ്പോഴും അവരില്‍ ഞാന്‍ ജീവിതത്തിന്റെ സ്പന്ദനം കണ്ടിരുന്നു ....അവരെയും കൂട്ടി ഞാന്‍ കടലിനു അടുത്തേക്ക് പോയി അവിടുള്ള പാറകളില്‍ കേറി നിന്നു ...ഓരോരുത്തരും ....
പകല്‍ കിനാവിന്റെ ഉടമയാണ് ഞാന്‍ അതിപ്പോള്‍ ഏതു ആള്‍കൂട്ടത്തിലും ഞാന്‍ എന്റെ സ്വപ്ന ലോകത്തേക്ക് പോകും ...അതിങ്ങിനെ മെനഞ്ഞു കാണുമ്പോള്‍ പലപ്പോഴും ചുണ്ടുകളില്‍ വിരിയുന്ന പുഞ്ചിരി കവിളുകളെ കൂടി മെനകെടുത്തും..ഒരുപക്ഷേ അങ്ങിനെ ഞാന്‍ ഇങ്ങിനെ ഇരിക്കുമ്പോള്‍ ആകും ഏറ്റവും മനോഹരമായി എനിക്ക് പുഞ്ചിരിക്കാന്‍ സാധിക്ക എന്നു തോന്നുന്നു .ചിലാപ്പോള്‍ എല്ലാം വരാന്‍ പോകുന്ന കാര്യങ്ങളുടെ മുന്നോടി പോലെ ആകും ആ സ്വപ്നങ്ങള് .ഏറ്റവും രസം ഫേസ് ബുക്കില്‍ എങ്കില്‍ ചിലപ്പോള്‍ ആരോട് ആണോ ഞാന്‍ മിണ്ടണം എന്നു വിചാരിച്ചതു അവര്‍ ആയിരിക്കും അന്ന് സംസാരിക്കാന്‍ വരിക ...പക്ഷേ മനപൂര്‍വം ഞാന്‍ കാണാന്‍ ശ്രമിച്ചാല്‍ അത് ശരിയാവില്ലട്ടോ ..അങ്ങിനെ നടക്കും എല്ലാം എങ്കില്‍ എനിക്ക് ഒരിക്കലും ഏകാന്തത തോന്നില അല്ലെ അതല്ലേ ശരി ...ശോ ഇതെല്ലാം ആരോട ഞാന്‍ ഈ പറയുന്നത് കടലിനോടോ ?? അപ്പോള്‍ തന്നെ തിരമാല ഞാന്‍ നിന്ന പാറക്കെട്ടില്‍ ആഞ്ഞു അടിച്ചു ...മുഖം മുഴുവന്‍ സ്പ്രേ ചെയ്തപോലെ ..കഴിഞ്ഞ ദിവസം പാര്‍ലറില്‍ മുടി വെട്ടാന്‍ പോയപ്പോള്‍ അവിടത്തെ പെണ്‍കൊടി മുടി നനയ്ക്കാന്‍ സ്പ്രേ ചെയ്തപ്പോള്‍ ഇതുപോലെ മുഖം മൊത്തം നനഞ്ഞിരുന്നു ....മഴയുടെ ചാറല്‍ കാറ്റില്‍ കോലായില്‍ നില്‍ക്കുമ്പോള്‍ മുഖം നിറയെ ഉമ്മവേയ്ക്കില്ലേ അതുപോലെ ... ചുണ്ട് കൊണ്ട് മെല്ലേ നക്കി നോക്കി ഉപ്പു രസം ......ഞാന്‍ ഇങ്ങിനെ കൈ രണ്ടും വിടര്‍ത്തി പിടിച്ചു നില്‍കുകയാണ്‌ ... എന്നിലേക്ക്‌ ഓടിവരുന്ന തിരകള്‍ എന്നെപലപ്പോഴും പുണരാന്‍ പ്രേരിപ്പിച്ചു .... പലമുഖങ്ങളും മനസ്സില്‍ തെളിഞ്ഞു വന്നു ... എത്ര തിരക്കിലും സമയം കണ്ടെത്തി കൂട്ടുക്കാരെ വിളിക്കുന്ന എന്നെ ഞാന്‍ കണ്ടു ...അവിടെ ...ഞാന്‍ ആകെ നനഞ്ഞു ഇരിക്കുന്നു ദേഹം മൊത്തം ഉപ്പു നിറഞ്ഞിരിക്കുന്നു ...ഇതെന്തു കോലം? ഞാന്‍ ഉറക്കെ ചോദിച്ചു ?? അന്നേരം ...തിരകള്‍ ആര്‍ത്തു കളിയാക്കി ചോദിച്ചു ഇനിയും നിനക്ക് മതിആയില്ലേ ...പ്രതീക്ഷകള്‍ അരുത് എന്നു പറഞ്ഞിട്ടും നീ പ്രതീക്ഷ വിട്ടില്ല അതല്ലേ നിന്റെ കണ് കോണുകളില്‍ നനവ്‌ നിന്റെ കണ്ണ് നീര്‍ ആണ് നിന്റെ ദേഹം നിറയെ ഉപ്പു വാരിത്തേച്ച പോലെ ..... ..വീശിയ കാറ്റില്‍ ഞാന്‍ പരിഭവിച്ചു ഞാന്‍ പറഞ്ഞു ഞാന്‍ എന്തേ നന്നാവാത്തേ ... എനിക്കെന്തേ മാറാന്‍ സാധിക്കാത്തെ .... പെട്ടന്ന് വീശിയ കാറ്റില്‍ ഞാന്‍ കണ്ടത് എനിക്ക് ചുറ്റുമുള്ള കടല്‍ മാറിപോയിരിക്കുന്നു...കൂട്ടുക്കാര്‍ നിന്ന ആ പാറകള്‍ എല്ലാം പോയിരിക്കുന്നു ...അവരെല്ലാം ഒത്തുകൂടിയപ്പോള്‍ എന്നെ മറന്നോ കൂടെ വിളിക്കാന്‍ .....ഞാന്‍ ഒറ്റയ്ക്ക് ആ പാറയുടെ മുകളില്‍ .... ആരുമില്ല ഒപ്പം വരാന്‍ നിന്നവര്‍ അവരെല്ലാം ഇവിടെ എന്റെ കൂടെ യാത്ര തിരിച്ചവര്‍ അവരെല്ലാം എന്നെ ഒറ്റയ്ക്ക് ആക്കി പോയികളഞ്ഞോ....മരുഭൂമിയിലെ ഒറ്റപെട്ടവരുടെ പ്രതീകം ആയി മാറുകയായിരുന്നു ഞാന്‍ അപ്പോള്‍ .... ഒരുനിമിഷം
ഞാന്‍ കണ്ണുകള്‍ അടച്ചു ..മെല്ലേ മനസ്സ് ശാന്തമാക്കാന്‍ ശ്രമിച്ചു ...എവിടെ എന്നിലെ ഞാന്‍ ...എനിക്ക് തിരിച്ചു വന്നെ പറ്റു....
അന്നേരം ആകാശം മൊഴിഞ്ഞു എന്തിനു നീ മാറണം.... നിന്നിലെ നിന്നെ അറിയുന്നവര്‍ നിനക്ക് കൂടെ എന്നും ഉണ്ടാകും ...കാലം കാത്തുവെച്ചത്‌ എങ്കില്‍ നിനക്കുള്ളത് നിനക്ക് തന്നെ ...നീ മാറിയാല്‍
നിന്നിലും കൃതിമത്വം നിറയില്ലേ??/..
അതേയ് ശരിയാ എനിക്ക് അറിയുന്നത് ചെയുന്നത് തന്നെയാ നല്ലത് ..എന്നെ അറിയുന്നവര്‍ വേണ്ടവര്‍ എന്നിക്കൊപ്പം ഇല്ലേ ... സ്വയം പറഞ്ഞപ്പോള്‍ .മനസ്സ് ശാന്തമായി വീണ്ടും കടലും ... തിരകളും എന്നിലേക്ക്‌ വന്നു ..അതേയ് ഈ തിരമാലകള്‍ പോലെയ ജീവിതം ഏപ്പോഴും പോരുതികൊണ്ടിരിക്കണം ...ഇടക്കും ശാന്തം ആയും ഇടയ്ക്കു അലറിയും തിരകള്‍ വരുന്നു ..പക്ഷേ എങ്കിലും അവര്‍ക്ക് പരാതികള്‍ ഇല്ല ...അപ്പോള്‍ കണ്ടു ഞാന്‍ അടുത്തടുത്ത് തന്നെ എന്റെ കൂട്ടുക്കാര്‍ നില്‍ക്കുന്നത് ....അന്നേരം തിരയില്‍ തെളിഞ്ഞ എന്റെ മുഖം പൂര്‍ണചന്ദ്രന്‍ പോലെ തിളങ്ങിയിരുന്നു അല്ലെങ്കിലും പൌര്‍ണമിക്ക് അമാവാസി ഇടക്ക് വന്നാലും അതിലും ഇരട്ടി ശക്തിയില്‍ പൌര്‍ണമി എത്തില്ലേ ...
മെല്ലേ പുഞ്ചിരിച്ചു അപ്പോള്‍ കണ്ണുകള്‍ അറിയാതെ തുറന്നു അപ്പോള്‍ എഫ് എമില്‍ പാട്ട് മാറിയിരിക്കുന്നു ...ഏതോ ഹിന്ദി പാട്ട് ആണ് .....കണ് കോണുകളില്‍ നനവുണ്ട് നാവില്‍ ഉപ്പു രസവും ...കിടക്കയില്‍ എന്നിട്ട് ഇരുന്നു ഞാന്‍ കണ്ണാടിയില്‍ നോക്കി ..പുഞ്ചിരിച്ചു ... ശോ വെറും ഒരു അഞ്ചു മിനിറ്റു പോലും മര്യാദക്ക് ഉറങ്ങാന്‍ എനിക്കാവില്ല അല്ലെ ...
:P
pournami
3 comments:
കൊള്ളാല്ലോ ഈ കഥക്കവിത
കൊള്ളാം. അതികേമം എന്നൊന്നും തോന്നിയില്ലെങ്കിലും, ഈ പകല്‍ സ്വപനത്തിന്റെ വര്‍ണ്ണ വരകള്‍ നന്നായിരിക്കുന്നു
5 മിനിട്ട് കണ്ട സ്വപ്നങ്ങള് കൊണ്ട് ഒരു ബ്ലോഗ്പോസ്റ്റ് ഒപ്പിച്ചില്ലേ - Good One.
നിന്നിലെ നിന്നെ അറിയുന്നവര്‍ നിനക്ക് കൂടെ എന്നും ഉണ്ടാകും ...കാലം കാത്തുവെച്ചത്‌ എങ്കില്‍ നിനക്കുള്ളത് നിനക്ക് തന്നെ - Very True.
Post a Comment