എന്നാലും ഇത്രയ്ക്കു മോശമായി ആരെങ്കിലും ചെയ്യുമോ?
ഇന്ന് കൂടി ഞാന് കണ്ടില്ലായിരുന്നുവെങ്കിൽ..
ഓര്ക്കാന് കൂടി വയ്യ ..! ആകെ നശിച്ചു വികൃതമായി തീർന്നെനെ..
എന്തായാലും ഒറ്റക്കല്ല്ല കൂട്ടമായുള്ളൊരു അക്രമം തന്നെ.. ഉറപ്പാണെനിക്ക്.
എന്തിന്; ആരുടെ ഇഷ്ടത്തിന് എന്നൊന്നും ഇവിടെ ചോദിക്കാന് പറ്റില്ല..
കാരണം ഒരു പ്രസക്തിയുമില്ല.. ആരോടും പരാതി പറഞ്ഞിട്ടും ഒരു കാര്യവുമില്ല..
ഇന്നലെ; താങ്ങി പിടിച്ചു ഞാന് താഴെ ഇറക്കുവാന് ശ്രമിക്കുമ്പോൾ മുള്ള് വേലി കൊണ്ട് കൈ നീറിയത്..
സാരമില്ല; ബാക്കിയുള്ള ജീവന്റെ കണികയെയെങ്കിലും രക്ഷിക്കണം എന്നുള്ള ഒരു ആഗ്രഹമായിരുന്നു..
പാതി ജീവനോടെയാണു എങ്കിലും; രക്ഷപെടുത്തി ഞാന്..
ഒറ്റയ്ക്ക് പൊക്കുവാന് സാധിക്കാതെ വന്നപ്പോള്..
അപ്പുറത്തെ സഞ്ജൂട്ടനെയാണു കൂടെ കൂടിയത്..
അവനും; എങ്ങനെയെങ്കിലും രക്ഷിക്കുക എന്നൊരു വാശി കേറി എന്ന് തോന്നുന്നു ..
അത്രയും ഉയരത്തില് നിന്നും അമ്മയും,ഞാനും, സഞ്ജുവും കൂടി അടങ്ങിയ പട്ടാളം..
ഇറക്കി താഴെ വെച്ചപ്പോള്; നെഞ്ച് തകര്ന്നു പോയി..
അത്രയ്ക്കും മോശമായിരുന്നു അവസ്ഥ..!!
മുഴുവന് കൊത്തി പറിച്ചു വെച്ചിരിക്കുന്നു..
ഒരു ഭാഗം മാത്രം രക്ഷപ്പെട്ടു..
താഴെ വെച്ച ശേഷം; തുടയ്ക്കാന് തുണിയുമായി ഞാനെത്തുമ്പോള്..
ഓ.. വയ്യ വീണ്ടും ഒരു കൂട്ടം ഒത്തു ചേര്ന്നു ആക്രമിക്കുന്നു..
ഇറ്റിറ്റു വീഴുന്ന തുള്ളികൾ..; ചുവപ്പിന് പകരം വെള്ള നിറമായോ?
അപ്പോഴാണു അമ്മയുടെ ഉപദേശം; വേണ്ട മാറി നിൽക്കൂ, കറയാകും..
എന്റെ മനസ്സാക്ഷി; കറയ്ക്കൊന്നും ഒരു പ്രാധാന്യവും കൊടുത്തില്ല..
അരികിലേക്ക് ചേര്ന്ന് നിന്ന് ഓരോ മുറിവിലെയും; ചെളിയും കറയും നീക്കാന് നോക്കി..
പക്ഷേ പലതും പൊട്ടിപൊളിഞ്ഞ്; അകാലചരമമടഞ്ഞിരുന്നു..
എന്തൊരു ഭീകരത !
നിങ്ങൾക്ക് കാണണമെന്നുണ്ടോ ആ രൂപം?? എങ്കില് ഇതാ..